Um tækið
Þráðlausa tækið sem lýst er í þessari handbók er samþykkt til
notkunar í (E)GSM 850, 900, 1800 og 1900 símkerfi, og UMTS
900 og 2100 HSDPA og HSUPA símkerfi. Þjónustuveitan gefur
nánari upplýsingar um símkerfi.
Við notkun þessa tækis skal hlíta öllum lögum og virða
staðbundnar venjur, einkalíf og lögmæt réttindi annarra,
þ.m.t. höfundarrétt. Höfundarréttarvörn getur komið í veg
fyrir að hægt sé að afrita, breyta eða flytja myndir, tónlist
(þ.m.t. hringitóna) og annað efni.
Tækið styður nokkrar mismunandi gerðir tenginga. Líkt og
gildir um tölvur hafa vírusar og annað skaðlegt efni áhrif á
tækið. Fara skal með gát við meðhöndlun skilaboða,
tengibeiðna, við vefskoðun og við niðurhal. Aðeins skal setja
upp og nota þjónustu og hugbúnað frá áreiðanlegum aðilum
sem bjóða upp á nægjanlega vörn gegn skaðlegum
hugbúnaði líkt og Symbian Signed hugbúnað eða hugbúnað
sem hefur staðist Java Verified™ prófun. Þú ættir að íhuga að
setja vírusvarnarhugbúnað og annan öryggishugbúnað upp
í tækinu og tölvum sem tengjast við það.
Tækið getur innihaldið bókamerki og tengla fyrir vefsíður
þriðju aðila. Einnig er hægt að skoða vefsíður þriðju aðila í
tækinu. Vefsíður þriðju aðila tengjast ekki Nokia og Nokia
© 2009 Nokia. Öll réttindi áskilin.
7
hvorki hvetur til né tekur ábyrgð á þeim. Ef þú vilt heimsækja
slíkar síður skaltu beita öryggisráðstöfunum.
Viðvörun: Við notkun allra aðgerða í þessu tæki,
annarra en vekjara, þarf að vera kveikt á tækinu. Ekki skal
kveikja á tækinu þegar notkun þráðlausra tækja getur valdið
truflun eða hættu.
Taktu öryggisafrit eða haltu skrá yfir allar mikilvægar
upplýsingar sem geymdar eru í tækinu.
Þegar tækið er tengt öðru tæki skal lesa notendahandbók
þess vandlega, einkum upplýsingar um öryggi. Ekki má
tengja saman ósamhæf tæki.
Myndir í þessum bæklingi kunna að líta öðruvísi út en á skjá
tækisins.
Aðrar mikilvægar upplýsingar um tækið er að finna í
notendahandbókinni.